Este sábado ás 18:00 horas, no local do Ateneo Santa Cecilia, haberá unha actuación do Mago Paco dirixida a público infantil e adulto. Francisco Otero, o Mago Paco, ofrecerá un espectáculo titulado “Hocus Pocus”, combinando maxia e teatro, e animando á participación activa dos nenos e das nenas.

Formado dende a súa mocidade no eido da educación e da animación infantil, da maxia cómica e das técnicas de clown, o Mago Paco tamén imparte clases no seu propio Club de Maxia Infantil.