O escultor morracense Tino Resille inaugurará mañá ás 20:30 horas, no marco dos ‘Venres do Ateneo’ a exposición “Raíces da terra: Imaxinade”, que se poderá visitar ata o 19 de decembro en horario de 16:00 a 21:00 horas de luns a venres, e os sábados de 11:00 a 13:00 horas. A mostra consta dunha colección de tallas de madeira que o artista transforma a partir de restos vexetais atopados nos montes e nas praias.